Happy Valentine's Day!! 

跟苗在一起過的第三個情人節了,感情上有增無減 (好感恩呢!)
我們在上一年聖誕就開始決定不要再因為節日而買禮物給對方,
想買就去買  今次情人節,沒看到甚麼想買的,一心諗住整個野食...
點知...早幾日整cheesecake果陣...個打蛋器居然壞左...
又適逢迎年
本來想整的蛋糕都泡湯了.....
所以就整左哩個乜都唔駛準備的朱古力士多啤梨了!

 

 

我早一晚就整定了有"苗"字及"<3"的朱古力牌牌 :)

 

 

做法:

1. 用熱水把黑白朱古力分別座溶
2. 將黑朱古力漿唧在牛油紙上畫出想畫出的字或圖案 :)
3. 待黑朱古力已成形後,再用白朱古力漿蓋上面
4. 乾晒之後放入雪櫃備用


心得:
- 可先在白色A4紙上畫上你想要的字或圖案,再攝在牛油紙之下以方便印出圖案
  但記得係左右倒轉的~ 如果唔係印左出黎就會掉轉左架喇!

- 如果你畫的圖案好像"苗"字一樣有線條的話,倒下白朱古力漿後可以用牙簽將邊邊撩一撩,
  以確保白朱古力漿都能夠跑到那些陰濕位!

- 整哩個朱古力牌牌,記得記得千祈唔好太貪玩太心急!!!!
  見唔見到我個"苗"字牌牌好似毛筆字咁D線條有D實有D淺?
  就係因為太心急想睇佢乾未...走去揭起佢~點知...揭左果D位就淺左喇! ( 非常呻笨!)


同苗仔這幾天公假太纏綿喇~ (真係咁都講得出...唔知醜... 其實我真係唔知醜的 )
我搵唔到一個時間去買士多啤啤~ 唯有當日先買啦...
但又因為我住得比較山卡啦~ 買到的...就只有細細粒的士多啤啤~ 不過好香好甜的!

 

 

洗好了士多啤啤~ 索乾晒所有表面的水份之後就開始沾黑朱古力漿了!
原來這個步驟比我想像中麻煩得多...
因為士多啤啤唔夠凍~ 我浸完落朱古力漿後要拎住佢等佢乾左大半先可以放落牛油紙
搞到時間上失左少少預算 :p


放在室溫乾了大半加埋白朱古力漿唧的條條做小裝飾就完成了 :)

有驚無險! 最後都可以準時出去接苗仔放工了!