【聯興紙業】搜掠DIY寶貝@深水埗**** cut紙攻略

Scrapbook這門手藝嘛... 當然少不免要用大~~~~~量ge紙!


Pattern paper有不少牌子的選擇~
以前無咩系統咁睇... 剩係識得去賣scrapbook物資ge shop買佢散裝ge紙
自上完workshop後... (我的scrapbook life真係因為去Amor上完Olivia ge堂之後唔同晒 )
就開始留意到有不同ge collection kit... 哩個深淵... 就開始愈踩愈深!!! 因為真係太靚喇
當中比較喜歡Echo Park  不過哩d都係遲d先分享!


而淨色ge紙~ 以前都係鐘意買AC Cardstock~ Quality係好好.. 不過其實都幾貴...
到後期Pegeocafe無再做retail... 已經買唔到AC散裝Cardstock...
輾轉之下又去到Zacca Dream~ 買ge唔再係AC... 而係無牌子ge淨色紙~
都好多選擇架! 好多不同gsm數不同texture ge紙~ 不過硬係覺得顏色上唔係好夠sharp...
自上完workshop後... (OMG:::::: 又係哩句.... orz....)
o係同學仔介紹下話去SSP cut紙會抵D!!!
當我定左決戰SSP ge日子後~ 做完research就知道好多人去SSP ge聯興cut紙!


聯興紙業
深水埗九江街168號地下 (九江街嘉頓果面ge街尾)

好! 係時候去片~~~~~~~~~~~~~~~~~

 

一入到去門口就已經放左無數咁多本紙版...
最左果隻紙版~ 總共有20本... 每本就係好似中間張相咁~
有無數咁多張紙... 每張紙都有得撇開一張張小紙版方便你撕低報價! 好貼心 :)
[果陣心諗...   OMG... 無數咁多本紙版 x 無數咁多張紙 = 睇幾耐先睇完?... ]
不過一場黎到~ 梗係要睇晒佢啦!!
最尾我撇左十幾廿張出黎.. 有d唔好意思 :p 再作一輪篩選先拎去補價!

 

 

*****右邊果隻紙版係可以拎返走~ 而我只係拎左最Colorful ge哩一本!

 

 好~ 係時候講下點樣安排quote價~

 

 

 

 

第一次去cut紙~ 乜都唔識... 拎住d紙版行去櫃檯...

正想開口問之際已經俾一個疑似老闆ge人拮...
同我講要先拎 (1) 的紙將揀好ge紙版用膠紙痴好晒~ 先可以俾佢地報價...

 

好... 乖乖地拎住紙版一張一張痴到好似右圖咁~
店員會好似右圖咁寫返價錢o係隔離俾你做reference~
如果決定落order就要拎 (2) ge紙去抄低, 到最尾佢就會出返一張正式ge invoice

 

 

由於紙ge size不同~ 每個size ge紙每cut一個size佢會收返$10手工費~
你可以揀唔cut~ 不過size都幾大架~ cut的話就要等一至兩個工作天就拎得!

 

 

忙左幾日... 今日終於襯lunch搭的士去拎紙~ 滿心歡喜的拎完紙就飛返的返公司買飯食~~~~

 

 

Wow! 睇下幾大包? 原來我大大話都cut成左百幾張ge紙...
一大疊咁睇好靚啊! 我係咁同同事分享自己ge喜悅! haha...
男同事們嘛~ 始終不明白為何我要大灑金錢買他們覺得好平ge"紙"...
哈哈, 沒緊要 :) 我自己開心就好! haha~

 

 

返到屋企歡歡喜喜拆件驗收....
好唔好彩地...... 我發現原來佢俾少左張啡色我呀  人地好想要果張啡色架...
唉... 怨就怨自己一拎完無check就飛的走了... 追都無得追啦口同鼻拗...
好彩只係買一張... ><

不過認真仍然係好興奮~~~~~~~~~~~~~ 期待在這裡分享我ge小作  (唔知醜ge女人... haha)




以下少少攻略分享下!
1. 雖然入到去係會有冷氣吹住... 不過仍然會有d熱... 同埋... 我o係果度餵飽晒d蚊 :(
    千祈唔好expect佢係有晒冷氣好舒服咁俾你揀~ 但尋寶嘛~ 要有少少苦先覺得寶物更珍貴ge!


2. 去到要主動d同要有心理準備... 除左頭先話有d惡果位人兄之外,
    其他人其實唔會點問你有冇野幫到手...
    雖然話佢惡d (無論樣定係語氣都係...) ~ 但應該係佢同人ge相處方式黎~
    見佢同d熟客仔都係咁相處.... 到我落order果陣佢仲大我問我知唔知果隻係乜野紙  
    心諗... Q知咩.... 見佢d質地幾靚想用黎印stamp...
    佢又問我用黎做咩同知唔知點用.. 果一刻係有d被質問ge感覺....
    不過之後佢解釋返~ 原來因為哩隻紙係防水... 係運動員塊號碼布果d料~
    所以即使我係用黎做stamping都好... 都唔可以用水性ge印台~ 我問佢油性得唔得...
    佢就話腐蝕性會比較好! 丫... 又o岩wo... 我完全無諗過哩樣野!
    雖然惡... 但其實都ok細心同pro ge!  係rude d姐~
    不過面對果個人... 真係有種要紮定個馬ge感覺... haha


3. 提多次大家~ 盡可能check check貨啦拎紙之後... 唔係真係拗都無得拗~
    (其實我無試過拗.. 絕少踏足SSP的我... 唔通為左一張紙又再撲黎撲去咩.... >< 係我懶姐)


好! 希望資料幫到大家~ 由beginner開始同大家分享~ 希望同大家一同成長
Happy Life! Happy Scrapbooking! Happy to SHARE!  Goodnight!**