My first Hard cover album**

好耐無UPDATE過了! 因為近排真的忙得很...

(  有冇咁多野忙呀你?! 扮忙?!)

才不是喇~ 過去的星期五是我和苗仔在一起的1000天
為了這一天, 我的確是忙了好一陣子而又唔夠訓了好一陣子...
因為我整左人生中的第一本Hard cover album俾苗苗呀!!

 

 

為了不讓他知道, 我每一晚都扮訓教... 然後自己就走去密密整密密整...
 (其實以他熟知的我, 又怎會估不到?! 哈哈  )
每一朝我跟他說好眼訓好眼訓... 他就以為我只是睡不飽... (傻佬!!)

我係跟Olivia在fb的教學去整 :)

Book cloth當然是幫襯Amor  佢有好多唔同款揀~
但最令我心動的仍然係Cloth :) 可看到那book cloth上的絲帶?
哈哈~ 我買果陣覺得... 做design的果然唔同D! 一條普通的絲帶~ 但有好elegant ge感覺!

做binding ge時候... 因為第一次用掃用white glue去痴...
未係控制得咁好... 仲有d位hi到表面...  要拆左佢用塊新ge黎bind...
完全唔敢放鬆去影相 *v*... 直至到打埋窿先影~ haha!

 

講到打窿... 我用左之前介紹過的Punch & Setter去打!

本來好想買埋Olivia推介果個Punch D1去打窿!
但買其他野已經用左好多錢喇... 最尾試下用左Punch & Setter個感覺係點先~
都可以的~ 不過對位果度有d麻煩...
同埋... 我開始擔心... 個hole punch好快會瓜柴....  haha

Cover打完窿~ 就要將內頁~ Spine paper~ 同埋側邊遮醜用ge Book cloth全部都對位打窿~
終於做Assembly了! 那個相簿釘是淘返來的! 黎緊會再訂多一批了~

 

完成品的相不太漂亮~ 摸上手唔同d ga ><
Cover的Decoration我未整 :) 是有原因的!
關於我收到ge禮物事! 嘻嘻  我好快就要跟大家分享了! 我自己也是十分期待的!!!!

再過一陣子就會分享埋內頁! 今次係自己暫時最滿意的作品!!!

Happy Scrapbooking  同大家一齊在Scrapbook裡慢慢成長! Happy Life